સ્વાસ્થ્ય મંત્રાલયના જણાવ્યા મુજબ દેશમાં છેલ્લા 24 કલાકમાં 42,766 નવા કેસ નોંધાયા હતા ને 45,254 લોકો સાજા થયા હતા. જ્યારે 1206 લોકોના મોત થયા હતા. જુલાઈ મહિનામાં જે સૌથી વધુ મૃત્યુઆંક છે.
ભારતમાં કોરોનાના દૈનિક કેસોમાં સતત વધારો થઇ રહ્યો છે કારણ કે કેરળ અને અન્ય પૂર્વોત્તરના રાજ્યોમાં કોરોનાએ ફરી ઉથલો માર્યો છે જ્યારે મહારાષ્ટ્રમાં કોરોનાની સ્પીડ પર થોડી બ્રેક લાગી છે. રાહતની વાત એ છે કે મહારાષ્ટ્રમાં સતત ચોથા અઠવાડિયે કેસની સંખ્યા ઘટી છે. દેશમાં શુક્રવારે 42,766 નવા કેસ નોંધાયા છે. આ સંખ્યા પાછલા ત્રણ દિવસના નવા કેસના મુકાબલે ઓછી છે. આ દરમિયાન 1206 લોકોના મોત થયા છે.
- દેશમાં કોરોના વાયરસની સ્થિતિ
- કુલ કોરોના કેસ – ત્રણ કરોડ 7 લાખ 95 હજાર 716
- કુલ ડિસ્ચાર્જ – બે કરોડ 99 લાખ 33 હજાર 538
- કુલ એક્ટિવ કેસ – 4 લાખ 55 હજાર 033
- કુલ મોત – 4 લાખ 7 હજાર 145
કેરળમાં 24 કલાકમાં 13 હજારથી વધુ નવા કેસ : દેશમાં બીજી લહેર થોડી શાંત થઇ છે, આ વચ્ચે કેરળમાં સંક્રમણમાં વધારો થયો છે. શુક્રવારે કેરળમાં 13,563 નવા કેસ નોંધાયા છે, જે પાછલા ત્રણ દિવસની સંખ્યા કરતા ઓછા છે. જો કે, ગયા શુક્રવારે આ સંખ્યા 12,095 હતી, જે આ શુક્રવારે વધારે છે. કેરળમાં આ અઠવાડિયામાં અત્યાર સુધીમાં 65,345 કેસ નોંધાયા છે.
જો કે દરમિયાન 60,234 સંક્રમણથી 8.4% વધુ છે. શુક્રવારે મહારાષ્ટ્રમાં 8,992 નવા કેસ નોંધાયા છે. રાજ્યમાં આ અઠવાડિયામાં અત્યાર સુધીમાં 42,822 કેસ નોંધાયા છે, જે ગયા અઠવાડિયા જેટલા જ છે. મણિપુર, અરુણાચલ પ્રદેશ, ત્રિપુરા અને મેઘાલયમાં આ અઠવાડિયે સંક્રમણ વધ્યું છે.
15 રાજ્યોના 90 જિલ્લામાંથી 80% નવા કેસ : કેન્દ્રીય આરોગ્ય મંત્રાલયે કહ્યું છે કે ગયા અઠવાડિયે દેશમાં આવેલા કોવિડ -19 ના અડધાથી વધુ કેસ બે રાજ્યો મહારાષ્ટ્ર (21%) અને કેરળ (32%) ના છે. આરોગ્ય મંત્રાલયના સંયુક્ત સચિવ, લવ અગ્રવાલે જણાવ્યું હતું કે તાજેતરના દિવસોમાં યુકે, રશિયામાં સંક્રમણનો વધારો દર્શાવે છે કે આપણે આપણે બેદરકારી રાખવી જોઈએ નહીં.
તેમણે કહ્યું કે ભારતમાં આવતા નવા કેસોમાં 80 ટકા કેસ 15 રાજ્યોના 90 જિલ્લાના છે, જે જણાવે છે કે કયા ક્ષેત્રો પર ધ્યાન આપવાની જરૂર છે. તેમાં મહારાષ્ટ્રના 15, કેરળના 14, તમિલનાડુના 12, ઓડિશા, આંધ્રપ્રદેશના 10 જિલ્લાઓનો સમાવેશ થાય છે.
India reports 42,766 new #COVID19 cases, 45,254 recoveries, and 1,206 deaths in the last 24 hours, as per Health Ministry
Total cases: 3,07,95,716
Total recoveries: 2,99,33,538
Active cases: 4,55,033
Death toll: 4,07,145 pic.twitter.com/DbPlStb4It— ANI (@ANI) July 10, 2021
સગર્ભા સ્ત્રીઓ માટે રસી જરૂરી : એનઆઈટીઆઈ આયોગના સભ્ય ડો. વી.કે.પૌલે કહ્યું કે સગર્ભા સ્ત્રીઓને રસી આપવી જરૂરી છે. જો સગર્ભા સ્ત્રી કોરોનાગ્રસ્ત થાય છે, તો પછી અકાળ ડિલિવરી થવાનું જોખમ રહેલું છે. આ સ્ત્રી અને બાળકના જીવને જોખમમાં મૂકે છે. તેમણે કહ્યું કે રસી લેતા પહેલા કોઈ ટેસ્ટ કરાવવાની જરૂર નથી. રસી સલામત છે. સગર્ભા સ્ત્રીઓએ સંપૂર્ણ ભરોસા સાથે રસી લેવી જોઈએ.
હિલ સ્ટેશન અને પ્રવાસન સ્થળો પર લોકોની ભીડથી ફરી કેસો વધી શકે છે : હિલ સ્ટેશન અને પ્રવાસન સ્થળોએ લોકોના ટોળા દેખાતા પણ સરકારે ચેતવણી આપી છે. કેન્દ્રએ કહ્યું હતું કે કોઇ પણ પ્રકારની બેદરકારી દાખવવામાં આવી તો કોરોનાના કેસોમાં ફરી વધારો થઇ શકે છે.
સ્વાસ્થ્ય સચિવ લવ અગ્રવાલે કહ્યું હતું કે દેશમાં હજુ પણ કોરોનાની બીજી લહેર પુરી નથી થઇ, એવામાં માસ્ક ન પહેરવુ અને સોશિયલ ડિસ્ટન્સનું પાલન ન કરવું જોખમકારક સાબીત થઇ શકે છે. કોઇ પણ પ્રકારની બેદરકારીથી કોરોના વાઇરસ ફેલાવવાનું જોખમ વધી શકે છે.
કેટલાક દેશોમાં બેદરકારી બાદ કોરોનાના કેસો વધ્યા હતા. જેમ કે બ્રિટનમાં યૂરો2020 ફૂટબોલ મેચ બાદ કોરોનાના કેસો વધી ગયા હતા. તેવી જ રીતે બાંગ્લાદેશમાં પણ બીજી લહેર બાદ ત્રીજી લહેર આવી અને આ દરમિયાન કોરોનાના કેસોમાં મોટો ઉછાળો આવ્યો હતો. જેને પગલે બાંગ્લાદેશે પુરા દેશમાં લોકડાઉન લાગુ કરવું પડયું હતું.
લેખન સંપાદન : Infogujarat Team : નોંધ:- અમે આ લેખ માત્ર જાણકરી પુરતો આપ સુધી પોહચડીએ છીએ.ભારતીય સંસ્કૃતિના કોઈ પણ ધર્મ કે સમુદાયની લાગણીને ઠેસ પહોચાડવાનો કે અંધશ્રદ્ધા ફેલાવવાનો કોઈ હેતુ નથી..”જય હિન્દ…જય જય ગરવી ગુજરાત”જો અમારા આ લેખો ગમ્યા હોય તો લાઈક, શેર અને કમેન્ટ જરૂર કરજો!
