એક બાજુ સમગ્ર દેશમાં ત્રીજી લહેર ત્રીજી લહેરની બુમો સંભળાય રહી છે એવામાં જ ભારતના એક રાજ્યે એવો નિર્ણય લીધો છે કે જેથી કોવીડ સંક્રમણ અટકાવી શકાય. હા , અમે વાત કરી રહ્યા છીએ દક્ષીણ ભારતના શિક્ષિત રાજ્ય કેરલની , જ્યાં કેસોમાં ભારે ઉછાળો આવ્યા બાદ ત્યાંની સરકારે આ મહત્વપૂર્ણ નિર્ણય લીધો હતો.
દેશમાં કોરોના વાયરસની મહામારી ધીમે ધીમે ગતિ પકડી રહી છે. પણ દક્ષિણ ભારતના અમુક રાજ્યોમાં અત્યારે પણ સંક્રમણ વધી રહ્યુ છે. આંકડા ડરામણા છે. કેરલમાં સતત વધી રહેલા સંક્રમણ વચ્ચે રાજ્ય સરકારે 17 અને 18 જૂલાઈના રોજ સંપૂર્ણ લોકડાઉન લગાવાની જાહેરાત કરી છે. આ સાથે જ રાજ્ય સરકારે 15 જૂલાઈથી કોરોનાની નવી ગાઈડલાઈન જાહેર કરી શકે છે.
કેરળમાં બેંકોને અઠવાડિયામાં પાંચ દિવસ કામ કરવાની છૂટ છે, જો કે સંપૂર્ણ લોકડાઉન દરમિયાન બેંકો પણ બંધ રહેશે. આપને જણાવી દઈએ કે કેરળમાં પણ ઝીકા વાયરસ અંગે ચિંતા વધી રહી છે. રાજ્યમાં મંગળવારે ઝીકા વાયરસના વધુ ત્રણ કેસ નોંધાયા છે, જેમાં કુલ કેસની સંખ્યા 18 થઈ ગઈ છે.
નવા ચેપગ્રસ્ત ત્રણ કેસોમાં એક બાળકનો પણ સમાવેશ થાય છે. કેરળના આરોગ્ય પ્રધાન વીણા જ્યોર્જે કહ્યું કે 22 મહિનાના બાળકને ચેપ લાગ્યો છે. 46 વર્ષનો એક માણસ અને 29 વર્ષનો આરોગ્ય કાર્યકરને પણ ચેપ લાગ્યો છે. તેમણે કહ્યું કે રાજ્યમાં હજી સુધી ઝીકા વાયરસના 18 કેસ નોંધાયા છે.
કેરળમાં મંગળવારે કોરોનાથી 124 લોકોનાં મોત થયાં : મંગળવારે કેરળમાં કોવિડ -19 ના નવા 14,539 કેસ નોંધાયા હતા, ત્યારબાદ ચેપગ્રસ્ત લોકોની કુલ સંખ્યા વધીને 30,87,673 થઈ ગઈ છે. તે જ સમયે, છેલ્લા 24 કલાકમાં વધુ 124 દર્દીઓના મૃત્યુ પછી, મૃત્યુની સંખ્યા વધીને 14,810 થઈ ગઈ છે.
આરોગ્ય પ્રધાન વીણા જ્યોર્જે એક નિવેદનમાં જણાવ્યું છે કે માલાપુરમમાં સૌથી વધુ 2,115 કેસ છે. આ પછી, એર્નાકુલમમાં 1,624 અને કોલ્લમમાં 1,404 કેસ નોંધાયા છે. નિવેદનમાં જણાવ્યા અનુસાર, મંગળવારે 10,331 દર્દીઓ પણ ચેપ મુક્ત બન્યા હતા, જે પછી રિકવર થયેલા લોકોની સંખ્યા વધીને 29,57,201 થઈ ગઈ છે. રાજ્યમાં 1,15,174 દર્દીઓ સારવાર લઈ રહ્યા છે.
લેખન સંપાદન : Infogujarat Team : નોંધ:- અમે આ લેખ માત્ર જાણકરી પુરતો આપ સુધી પોહચડીએ છીએ.ભારતીય સંસ્કૃતિના કોઈ પણ ધર્મ કે સમુદાયની લાગણીને ઠેસ પહોચાડવાનો કે અંધશ્રદ્ધા ફેલાવવાનો કોઈ હેતુ નથી..”જય હિન્દ…જય જય ગરવી ગુજરાત”જો અમારા આ લેખો ગમ્યા હોય તો લાઈક, શેર અને કમેન્ટ જરૂર કરજો!
